سنڌسماءَچار
Related Articles
افسوس آهي ته 72سالن ۾ ڪو به وزيراعظم پنهنجو مدو پورو ناهي ڪري سگهيو، امڪان آهي ته اسان به ناڪام ٿي وڃون: ڊاڪٽر حفيظ شيخ
اسلام آباد( خاص نمائندو سنڌسماءَچار) وزيراعظم عمران خان ناڻي واري صلاحڪار ڊاڪٽر حفيظ شيخ چيو آهي ته، جيڪڏهن معيشت جي بهتري لاءِ اسان جي حڪومت به صحيح رخ ۾ قدم نه کنيا ته پوءِ اسان جي به ناڪام ٿيڻ جي امڪان کي رد نه ٿو ڪري سگهجي. قومي اسيمبلي جي اجلاس کي خطاب ڪندي ناڻي واري صلاحڪار ڊاڪٽر حفيظ شيخ چيو ته، هن ملڪ جي اها وڏي حقيقت ۽ بدقسمتي آهي ته ڪو به وزيراعظم پنهنجو آئين مدو پورو ناهي ڪري سگهيو، صرف لياقت علي خان ئي پنهنجي مدي مان سڀ کان وڌيڪ وقت وزيراعظم رهيو. ناڻي واري صلاحڪار چيو ته ملڪي معيشت جي بهتري لاءِ اسان کي معاشي پاليسين ۾ تسلسل برقرار رکڻو پوندو، حڪومت معيشت جي بهتري لاءِ ڪوششون وٺي رهي آهي، جنهن جا اثر عوام تائين جلد پهچندا ۽ ان جا مثبت نتيجا به نظر اچڻ شروع ٿي ويندا. حفيظ شيخ چيو ته هاڻي اسان لاءِ هي اهم موڙ آهي جيڪڏهن اسان به صحيح رخ ۾ قدم نه کنيا ته پوءِ اسان جي به ناڪام ٿيڻ واري امڪان کي رد نه ٿو ڪري سگهجي.
http://www.sindhsamaachar.com/ur/%d8%aa%d8%b9%d9%84%d9%8a%d9%85-%da%a9%d8%a7%d8%aa%d9%8a-%d8%ac%d9%88-%d8%b3%d9%8a%da%aa%d8%b1%d9%8a%d9%bd%d8%b1%d9%8a-%d8%a7%d8%ad%d8%b3%d9%86-%d9%85%d9%86%da%af%d9%8a-%d8%ac%d8%a8%d8%b1%d9%8a-%d9%85/
