سنڌسماءَچار
Related Articles
شاهه عبداللطيف ڀٽائي، سچل، قلندر لال شهباز، عبدالله شاهه غازي سميت سموريون درگاهون بند
ڪراچي / هالا/ سيوهڻ/گمبٽ ( سنڌسماءَچار نيوز) سنڌ حڪومت صوبي ۾ ڪرونا وائرس جي وڌيڪ ڦهلاءَ کي روڪڻ لاءِ سخت فيصلا ڪندي سموريون درگاهون اڻڄاتل مدي تائين بند ڪرڻ جو فيصلو ڪيو ويو آهي، ڇنڇر جي شام کان قلندر لال شهباز، شاهه عبداللطيف ڀٽائي، سچل سرمست، عبدالله شاهه غازي سميت سمورين درگاهن کي بند ڪرڻ جو سلسلو شروع ڪيو ويو آهي. سنڌ حڪومت ڪرونا وائرس سبب تعليمي ادارا، شادي هالز بند ڪرڻ ۽ عوامي ميڙاڪا ڪرڻ تي پابندي کانپوءِ وڏو فيصلو ڪندي سنڌ جون سموريون درگاهون بند ڪيو ويون آهن. ڀٽ شاهه ۾ شاهه عبداللطيف ڀٽائي، سيوهڻ ۾ قلندر لال شهباز، درازا شريف ۾ سچل سرمست، بيدل فقير، سخي ڄام ڏاتار، شاهه ڪريم بلڙي وارو، عبدالله شاهه اصحابي مڪلي جون درگاهون بند ڪيو ويون آهن، جڏهن ته ٻين درگاهن کي به بند ڪرڻ جو سلسلو جاري آهي.
