سنڌسماءَچار
Related Articles
ڪراچي ۾ 11، لاڙڪاڻي واسي 7 ڄڻن ۽ هڪ دادو واسي کي ڪرونا جي تصديق،سنڌ ۾ ڪرونا متاثرن جو انگ 440 ٿي ويو
لوڪل ٽرانسميشن ۾ واڌ جي تصديق ڪري ڇڏي
ڪراچي( چيف رپورٽر سنڌ سماءَ چار) ڪرونا وائرس تي ضابطو نه اچي سگهيو، ڪراچي ۾ 11 ۽ لاڙڪاڻي 7 نوان ڪيس ظاهر ٿيڻ کانپوءِ سنڌ ۾ متاثرن جو مجموعي انگ 440 ٿي ويو آهي، صحت کاتي جو چوڻ آهي ته سنڌ ۾ لوڪل ٽرانسميشن ۾ به واڌ اچي رهي آهي. سرڪاري انگن اکرن مطابق سنڌ ۽ پنجاب ۾ وڌيڪ ٻن ڊاڪٽرز سميت 30 ماڻهن ۾ ڪورونا وائرس جي تصديق ٿيڻ بعد ملڪ ۾ وائرس جي متاثر مريضن جو انگ ، 1257ٿي ويو آهي، ملڪ ۾ ڪورونا وائرس سبب هيل تائين 9 ڄڻا حياتيون وڃائي چڪا آهن، هن وقت تائين ڪرونا وائرس جا 23 متاثر مريض صحتياب ٿي چڪا آهن. صحت کاتي موجب سنڌ ۾ 19 نوان ڪيس سامهون آيا آهن، جن مان ڪراچي ۾ 11، حيدرآباد ۾ هڪ، ايران مان آيل لاڙڪاڻي جي 7 ماڻهن ۾ ڪورونا وائرس جي تصديق ڪئي وئي آهي. ڪمانڊ اينڊ ڪنٽرول سينٽر پاران جاري ڪيل انگ اکرن موجب پنجاب جي ڊي جي خان واري علائقي ۾ ٻن ڊاڪٽرز سميت لاهور ۾ وڌيڪ 11 ماڻهن م ڪورونا وائرس جي تصديق ٿي آهي،جنهن کانپوءِ پنجاب ۾ ڪورونا وائرس جي متاثر مريضن جو انگ 419 ٿي ويو آهي. خيبرپختونخوا ۾ هيل تائين ڪورونا وائرس جا 147 ڪيس سامهون آيا آهن، بلوچستان ۾ 131 ۽ اسلام آباد ۾ 27 ڪيس رپورٽ ٿي چڪا آهن. ڪمانڊ اينڊ ڪنٽرول سينٽر پاران ڪيل پڌرائي موجب هيل تائين ملڪ ۾ 23 ماڻهو صحتياب ٿي چڪا آهن، جن مان 14 ڄڻن جو تعلق سنڌ سان آهي.
