سنڌسماءَچار
Related Articles
اسلام آباد( خاص نمائندو سنڌسماءَچار) پاڪستان ۾ ڪرونا جي وبا وگهي هڪ ڏينهن دوران 59 مريض حياتيون وڃائي ويٺا، گذريل 24 ڪلاڪن (24 نومبر) دوران وڌيڪ ٽي هزار 9 ماڻهو وبا ۾ مبتلا ٿي ويا آهن. پاڪستان ۾ ڪرونا جي وبا تي ضابطو آڻڻ ۽ ان جي روڪٿام لاءِ حڪومت پاران لاڳو ڪيل پنهنجي اسٽنيڊرڊ آپريٽنگ سسٽم ( ايس او پيز) تي پهرين ڏينهن کان عملدرآمد ڪرائڻ ۾ غيرسنجيدگي ۽ عوام لاپرواهي سبب ڪرونا وائرس تيزي سان پکڙجي رهيو آهي، جنهن ۾ ڪرونا ٽيسٽن جي بنياد تي روزانو لڳ ڀڳ هڪ ڏهائي 9 سيڪڙو واڌ اچي رهي آهي.
سرڪاري انگن اکرن مطابق گذريل چوويهه ڪلاڪن دوران ملڪ اندر مجموعي طور تي 3009 ماڻهو ڪرونا وائرس ۾ مبتلا ٿي ويا آهن، جن ۾ ٻارڙن جڪو به وڏو انگ ٻڌايو پيو وڃي. پاڪستان ۾ ڪرونا جي وبا سڀ کان وڌيڪ سنڌ ۾ پکڙجي رهي آهي، جنهن جي نتيجي ۾ هڪ ڏينهن دوران هڪ هزار 382 ڪيس رپورٽ ڪيا ويا، جنهن بعد سنڌ اندر مريضن جو مجموعي انگ هڪ لک 66 هزار 33 ٿي ويو آهي سنڌ ۾ هڪ ڏينهن دوران قاتل وبا ۾ مبتلا 13 مريض حياتيون وڃائي ويٺا ۽ اهڙي طرح فوتين جو انگ وڌي 2هزار 858 ٿي ويو آهي.
http://www.sindhsamaachar.com/ur/%d9%84%d9%85%d8%b3-%da%84%d8%a7%d9%85%d8%b4%d9%88%d8%b1%d9%88-%d8%ac%d9%8a-%d9%be%d8%b1%d9%88-%d9%88%d9%8a-%d8%b3%d9%8a-%d9%8a%d9%88%d9%86%d9%8a%d9%88%d8%b1%d8%b3%d9%bd%d9%8a-%db%be-%d8%a8%d8%a7%d8%af/
