سنڌسماءَچار
Related Articles
اسلام آباد ( خاص نمائندو سنڌ سماچار) اسلام آباد جي ڊسٽرڪٽ اينڊ سيشن ڪورٽ اڳوڻي وزيراعظم ۽ پي ٽي آءِ جي چيئرمين کي توشاخانا ڪيس ۾ 3 سال قيد، 5 سالن لاءِ نااهل قرار، هڪ لک رپيا ڏنڊ جي سزا ٻڌائي ڇڏي، عدالت فيصلو پي ٽي آءِ چيئرمين کي سزا ڪيس جي پيروي نه ڪرڻ ۽ جوابدار جي پيش نه ٿيڻ تي فيصلو ڪيو ويو. اسلام آباد جي سيشن ڪورٽ جي جج همايون دلاور، توشاخانا ڪيس جو فيصلو ٻڌائيندي کيس 3 سال قيد ۽ 5 سالن لاءِ هر قسم جي عوامي عهدي لاءِ نااهل قرار ڏئي ڇڏيو آهي.
اسلام آباد جي سيشن ڪورٽ جي جج همايون دلاور جي توشه خاني ڪيس جي ٻڌڻي ڪئي، عدالت پي ٽي آءِ چيئرمين عمران خان کي اڄ ذاتي حيثيت ۾ طلب ڪيو هو، اڄوڪي ٻڌڻي دوران عدالت ڪيترائي ڀيرا جوابدار ۽ سندس وڪيل کي ڪيترائي ڀيرا سڏ ڪرايو، پي ٽي آءِ چيئرمين يا سندس وڪيل عدالت ۾ پيش نه ٿيو، جنهن کانپوءِ عدالت جي جج همايون دلاور توشا خانا ڪيس جو فيصلو ٻڌائندي پي ٽي آءِ چيئرمين عمران خان کي سزا ۽ ڏنڊ جو فيصلو ٻڌايو، عدالت پي ٽي آءِ چيئرمين جا گرفتاري وارنٽ جاري ڪندي آءِ جي اسلام آباد کي هدايت ڪئي ته پي ٽي آءِ چيئرمين کي گرفتار ڪرڻ جو حڪم ڏنو.
