سنڌسماءَچار
Related Articles
پريا ڪماري جي بازيابيءَ لاءِ اڄ شام ڪلفٽن ٽَي تلوار تي هر حالت ۾ ڌرڻو هڻنداسين، پريا ڪماري جي امڙ به ڌرڻي شرڪت ڪندي: لياقت جلباڻي/ سهڻي پارس
ڪراچي( رپورٽ: آفاق ڀٽي سنڌسماءَچار) پريا ڪماريءَ جي بازيابيءَ لاءِ سندس امڙ روينا ڪماريءَ جي اڳواڻي ۾ ڪراچي جي ڪلفٽن ٽَي تلوار چورنگيءَ تي ڌرڻو لڳندو، پريا ڪماريءَ جي امڙ ڪراچي ۾ رهندڙ سمورن سنڌين کي اپيل ڪئي آهي ته ڌرڻي ۾ شرڪت ڪري نياڻي جي بازيابي لاءِ آواز اٿارين. سول سوسائٽي جي اڳواڻن لياقت جلباڻي، سهڻي پارس ۽ ٻين پاران سنگرار مان 3 سال اڳ اغوا ٿيل نياڻي پريا ڪماري جي بازيابي لاءِ ڪراچي ۾ ڌرڻو هنيو ويندو، اڄ 19 جولاءِ جمعي ڏينهن ٽَي تلوار ڪلفٽن تي لڳندڙ ڌرڻي جي سرواڻي پريا ڪماريءَ جي امڙ روينا ڪماري ڪندي. ان سلسلي ۾ روينا ڪماري هڪ وڊيو بيان ۾ چيو آهي ته سنڌ حڪومت ۽ پوليس اختيارين اسان کي آسرو ڏنو هو ته، پريا ڪماريءَ کي ڏهين محرم الحرام تي بازياب ٿي ويندي پر ايئن نه ٿيو، پوليس جو اُهو آسرو به اڳ جيان سکڻو آسرو ئي ثابت ٿيو. روينا ڪماري اپيل ڪندي چيو آهي ته پريا ڪماري جي بازيابي لاءِ اڄ شام جو 5 وڳي ڪراچي ۾ ٽَي تلوار وٽ احتجاج ڪيو ويندو، جنهن ۾ سنڌ واسي شرڪت ڪري ساٿ ڏين. ان سلسلي ۾ لياقت جلباڻي، سهڻي پارس ۽ ٻين چيو آهي ته اڄ ڪلفٽن ٽي تلوار تي ڌرڻوڳ هر حالت هڻنداسين، پريا جي امڙ ۽ به شرڪت ڪندا، هنن چيو ته اسان جو احتجاج پرامن آهي، نياڻي پريا کي اغوا ٿئي 3ورهيه ٿي ويا آحن پر پوليس سکڻا دلاسا ڏئي رهي آهي.
