سنڌسماءَچار
Related Articles
القادر ٽرسٽ ريفرنس جي 190 ملين پائونڊ ريفرنس ۾ اڳوڻي وزيراعظم باني پي ٽي آءِ کي 14 سال قيد ۽ سندس گهر واري بشرا بي بي کي 7 سال قيد ۽ ڏنڊ جي سزا، القادر يونيورسٽي سرڪاري تحويل ۾ وٺڻ جو حڪم
راولپنڊي / اسلام آباد ( خاص نمائندو سنڌسماءَچار) القادر ٽرسٽ ريفرنس جي 190 ملين پائونڊ ريفرنس ۾ اڳوڻي وزيراعظم باني پي ٽي آءِ کي 14 سال قيد ۽ سندس گهر واري بشرا بي بي کي 7 سال قيد ۽ ڏنڊ جي سزا، احتساب عدالت اڊيالا جيل راولپنڊي اندر ٻڌائي ڇڏي. عدالت فيصلو باني پي ٽي آءِ، بشرا بي بي سندن وڪيلن ۽ نيب پراسيڪيوٽرجي موجودگي ۾ ٻڌايو.
راولپنڊيءَ جي احتساب عدالت جي جج ناصر جاويد رانا باني پي ٽي آءِ ۽ اڳوڻي وزيراعظم، سندس گهر واري بشرا بي بي خلاف 190 ملين پائونڊ ريفرنس جو محفوظ ڪيل ۽ ٽَي ڀيرا ملتوي ڪيل فيصلو ٻڌائي ڇڏيو آهي، عدالت القادر ريفرنس ۾ باني پي ٽي آءِ کي 14 سال قيد، 10 لک رپيا ڏنڊ جي سزا ٻڌائي. عدالت بشرا بي بي کي 7 سال قيد ۽ 5 لک رپيا ڏنڊ جي سزا ٻڌائي، ڏنڊ جي رقم ادا نه ڪرڻ جي صورت ۾ باني پي ٽي آءِ ۽ بشرا بي بي وڌيڪ ڇهه ڇهه مهينا قيد جي سزا ڪاٽيندا.
ريفرنس جي فيصلي جي موقعي تي سڪيورٽي جا سخت انتظام ڪيل هئا، جيڪي اڃا تائين برقرار آهن. اڊيالا جيل جي چوڌاري 6 ٿاڻن جي پوليس اهلڪارن جي اضافي نفري کي مقرر ڪيو ويو. سيڪيورٽي جي معاملن کي سنڀالڻ، نگراني لاءِ ايلٽ فورس ۽ ڊولفن فورس جي اهلڪارن کي بهگه مقرر ڪيو ويو. ذريعن جو چوڻ آهي ته القادر ٽرسٽ ڪيس جي فيصلي کانپوءِ وفاقي ۽ پنجاب حڪومت اسلام آباد، راولپنڊي، لاهنور، ملتان، فيصل آباد سميت مختلف شهرن ۾ به سيڪيورٽي سخت ڪرڻ جا حڪم جاري ڪري ڇڏيا آهن.
