Saturday , February 22 2025

پيپلزپارٽي پاران بنگالين، برمين ۽ بهارين کي سنڌ ۾ سڃاڻپ ڪارڊ ٺاهي ڏيڻ جو مطالبو

سنڌ ۾ غيرقانوني طور ترسيل بنگالين، برمين ۽ بهارين کي پاڪستاني شهريت ڏئي سنڌ ۾ سڃاڻپ ڪارڊ ٺاهي: پاڪستان پيلپزپارٽي

 

اسلام آباد ( خاص نمائندو  سنڌسماءَچار) پاڪستان پيپلزپارٽي هڪ ڀيرو ٻيهر سنڌ ۾ غيرقانوني طور ترسيل بنگالين، برمين ۽ بهارين کي پاڪستاني شهريت ڏئي سنڌ ۾ سڃاڻپ ڪارڊ ٺاهي ڏيڻ جو مطالبو ڪري ڇڏيو، ن ليگ، ايم ڪيو ايم ۽ جي يو آءِ به حمايت ڪري ڇڏي. سومر ڏينهن 17فيبروريءَ تي قومي اسيمبلي جي اجلاس دوران ڳالهائيندي ملير مان پيپلزپارٽي جي چونڊيل ايم اين اي آغا رفيع الله مطالبو ڪيو ته ڪراچي ۽ حيدرآباد ۾ ترسيل بنگالين، برمين ۽ بهارين کي پاڪستاني شهريت ڏئي سنڌ ۾ سڃاڻپ ڪارڊ ٺاهي ڏنا وڃن. آغا رفيع الله چيو ته بنگالين، برمين ۽ بهارين جي پاڪستاني شهريت جو اهم مسئلو آهي، اهي گذريل 70 سال کان پاڪستان ۾ رهن ٿا، انهن کي سڃاڻپ ڪارڊ ٺاهي ڏنا وڃن.

پيپلزپارٽي جي بنگالين، برمين ۽ بهارين کي سڃاڻپ ڪارڊ ٺاهي ڏيڻ واري مطالبي جي ايم ڪيو ايم ب ڀرپور حمايت ڪئي، ايم ڪيو ايم جي ايم اين اي خواجا اظهار الحسن قومي اسيمبلي ۾ پ پ جي مطالبي جي حمايت ڪندي چيو ته بنگالين، برمين ۽ بهارين جو جيڪو ٽيون نسل رهي ٿو انهن کي شهريت ڏني وڃي، انهن کي سنڌ ۾ سڃاڻپ ڪارڊ ٺهرائي ڏنا وڃن.

جمعيت عملاءِ اسلام به پيپلززپارٽي جي مطالبي جي حمايت ڪئي، جي يوي آءِ جي مرڪزي اڳواڻ ۽ ايم اين اي مولانا عبدالغفور حيدري ڇيو ته پاڪستان ۾ رهندڙ بنگالي، برمي ۽ بهاري تڪليفن ۾ آهن، ڪراچي ۽ حيدرآباد ۾ رهندڙ سمورن بنگالين، بهارين ۽ برمين کي شهريت ڏئي سڃاڻپ ڪارڊ ٺاهي ڏنا وڃن.

About admin

Check Also

ضياءَ جي مارشل خلاف ايم آر ڊي جي سرواڻي ڪندڙ غلام مرتضيٰ جتوئي پ پ حڪومت ۾ گرفتار

ماڊل ڊڪٽيٽر جنرل ضياءَ جي  مارشل خلاف موومينٽ فار ري-اسٽوريشن آف ڊيموڪريسي / ايم آر …

Leave a Reply

Your email address will not be published. Required fields are marked *