سنڌسماءَچار
Related Articles
موهن جو دڙو ڀرسان سنڌو درياءَ جي محبڻ شاهه پتڻ وٽ ٻيڙي اونڌي ٿيڻ سبب ٻڏي 40 کان وڌيڪ ماڻهن مان 30 ڄڻا پنهنجي مدد پاڻ تحت رات جو ي ڪناري تي پهچي ويا هئا، جڏهن ته اڃا تائين 10 کان وڌيڪ گم آهن. علائقي واسين ٻن ڄڻ جا لاش هٿ ڪري ورتا آهن.
جمعي ۽ ڇنڇر جي وچ واري رات دير سان موهن جودڙو ۽ سڳيون شهر کي پاڻ ۾ ملائيندڙ محبڻ شاهه پتڻ وٽ ٻيڙي اونڌي ٿي پئي، علائقي واسين جو چوڻ آهي ته ٻيڙي ۾ سوار ماڻهن جو تعداد 50 جي لڳ ڀڳ هو، جيڪا پتڻ وٽ پهچڻ مهل ان وقت اونڌي ٿي پئي جڏهن ماڻهن ٻيڙي مان لهڻ شروع ڪيو. ٻيڙي ۾ گنجائش کان وڌيڪ ماڻهو ۽ ان سان گڏ موٽرسائيڪلون ۽ ٻيو سامان ڀريل هجڻ ڪري وزن هڪ پاسي ٿي وڃڻ جي نتيجي ۾ ٻيڙي اونڌي ٿي پئي.
محبڻ شاهه پتڻ تي موجود ماڻهن جو چوڻ هو ته جيڪي ماڻهو ترڻ ڄاڻندا هئا اهي سڀ پاڻ تري نڪري آيا ۽ جيڪي ماڻهو ترڻ نه ڄاڻندا هئا اهي ٻڏي ويا آهن. بچي ويل ماڻهن جو چوڻ آهي ته هڪ اندازي مطابق 10 کان 15 ماڻهو ٻڏي ويا آهن جن جو ڪو به ڏس پتو نه آهي. ٻڏي ويل ماڻهن جي ڳولا لاءِ ريسڪيو آپريشن رات جو اونداهي ۽ روشني جو بندوبست نه هجڻ جي نتي ۾ شروع نه ٿي سگهيو، جيڪو ڇنڇر جي صبح جو شروع ڪيو ويو. علائقي واسين جو چوڻ آهي ته ڪمشنر لاڙڪاڻو سميت لاڙڪاڻي جي ضلعي انتظاميا ريسڪيو آپريشن جي سلسلي ۾ تڪڙا اپاءَ نه ورتا، جڏهن ته صبح جو ڪمشنر سکر عباس بلوچ پاڪ نيوي جي ٽوٻن جي مدد وٺي ٻڏي ويل ماڻهن جي ڳولا جو ڪم شروع ڪيو آهي.
هن وقت تائين ٻڏي ويل ماڻهن مان ٻن ڄڻن جا لاش ڪڍيا ويا آهن جن مان هڪ جو واسطو ڪنڊياري جي ڳوٺ بهڻ سان ٻڌايو پيو وڃي.
