سنڌسماءَچار
Related Articles
گڏيل مفادن واري ڪائونسل جو اجلاس 31 هين جولاءِ تي اسلام آباد ۾ وزيراعظم نواز شريف جي صدارت هيٺ اسلام آباد ۾ وزيراعظم هائوس ۾ ٿيندو. امڪان آهي ته، وفاقي شماريات ڊويزن پاران تازو ملڪ ۾ ٿيل گهر ۽ آدمشماري جا غيرحتمي تفصيل پيش ڪيا ويندا.
ذريعن سنڌسماءَچار کي مليل ڄاڻ موجب وزيراعظم نواز شريف گڏيل مفادن واري ڪائونسل جو اجلاس 31 جولاءِ تي طلب ڪري ورتو آهي، اجلاس ۾ شرڪت لاءِ سنڌ، بلوچستان، ڪي پي ڪي ۽ پنجاب جي وڏن وزيرن کي دعوت ڏني وئي آهي.
ذريعن جو چوڻ آهي ته گڏيل مفادن واري ڪائونسل جي اجلاس ۾، شماريات ڊويزن پاران ملڪ ۾ تازو ٿيل آدمشماري جي ابتدائي رپورٽ پيش ڪئي ويندي، امڪان اهو به ظاهر ڪيو پيو وڃي ته شماريات ڊويزن گهر ۽ آدمشماري جا غير حتمي تفصيل گڏيل مفادن واري ڪائونسل ۾ پيش ڪيا وڃن.
