سنڌسماءَچار
Related Articles
ڪراچي( سنڌسماءَ چار مانيٽرنگ ڊيسڪ) سنڌ هاءِ ڪورٽ قانون کاتي ۾ غيرقانوني ڀرتين خلاف درخواست جي ٻڌڻي دوران قانون واري سيڪريٽري، ايڊووڪيٽ جنرل سنڌ ۽ ٻين کي جواب جمع ڪرائڻ لاءِ مهلت ڏيندي ٻڌڻي ملتوي ڪري ڇڏي آهي. درخواستگذار موقف اختيار ڪيو ته سنڌ حڪومت من پسند ماڻهن کي قانون کاتي ۾ ڀرتي ڪيو آهي. درخواست ۾ چيو ويو ته صوبائي وزير ناصر شاهه جي پٽ شبير شاهه ۽ ٻين کي ايڊيشنل ايڊووڪيٽ جنرل سنڌ مقرر ڪيو ويو آهي. درخواستگذار موقف اختيار ڪيو ته سڀني ماڻهن کي وڪالت جي تجربي ۽ تعليمي قابليت جي ابتڙ اعلي عهدن تي مقرر ڪيو ويو آهي، تنهن ڪري سڀني ماڻهن کي هٽائڻ لاءِ حڪم جاري ڪيو وڃي. عدالت قانون واري سيڪريٽري ۽ ايدووڪيٽ جنرل سنڌ سميت ٻين کي جواب جمع ڪرائڻ جي مهلت ڏيندي درخواست جي ٻڌڻي ملتوي ڪري ڇڏي آهي.
