”وڏي وزير رڳو آسرن ۾ رکيو، وزيرن چوڻ نه ڪيو“:آصف زرداري جو نئون پِٽِڻو
June 16, 2018
سنڌ
1,657 Views
نوابشاهه ( خاص نمائندو سنڌسماءَچار) اڳوڻي صدر ۽ پ پ پ جي شريڪ چيئرمين آصف زرداري چيو آهي ته سنڌ ۽ پنجاب ۾ ايندڙ حڪومت اسان ٺاهينداسين، پنجاب ۾ اڪثريت نه به ملي ته ڪنهن سان گڏجي حڪومت جوڙينداسين. نوابشاهه ۾ پارٽي اڳواڻن سان ملاقات دوران، ڳالهائيندي اڳوڻي صدر آصف زرداري چيو ته، سنڌ جي وڏي وزير (مراد علي شاهه) ڪڏهن آسرا ڏيندو رهيو ته، ڪڏهن وزيرن منهنجي چوڻ تي ڪم نه ڪيو. آصف زرداري جو ته، مونکي خبر آهي ته گذريل ٻن اڍائن سالن دوران ڪم ناهن ٿيا، هاڻي حڪومت ۾ اچي ڪم ڪنداسين. تقريب دوران ڳالهائيندي آصف زرداري چيو ته، پنجاب جي ايندڙ حڪومت اسان جي هوندي، جيڪڏهن پنجاب ۾ پ پ اڪثريت حاصل نه ڪري سگهي ته پوءِ ڪنهن ڪنهن سان اتحاد ڪري حڪومت ٺاهينداسين ۽ سنڌ ۾ ته حڪومت وري به اسان جي هوندي.
سنڌسماءَچار
