سنڌسماءَچار
Related Articles
اعجاز جکراڻي جي گهر تي ڇاپي جي وڏي وزير مراد علي شاهه کي اڳواٽ خبر هئي، اعجاز جکراڻي آڪٽوبر مهيني دوران گرفتار نه ٿيندو
ڪراچي( رپورٽ: اصغر آزاد سنڌسماءَچار) سنڌ جي وڏي وزير سيد مراد علي شاهه کي اعجاز جکراڻي جي گهر تي ڇاپي جو اطلاع اڳواٽ ئي ملي ويو هو، اطلاع ملڻ بعد وڏو وزير بنا اطلاع جي بلاول هائوس پهچي بلاول سان ملاقات ڪئي. وزيراعليٰ هائوس جي ذريعن سنڌسماءَچار کي ٻڌايو ته، ”وڏي وزير مراد علي شاهه کي سندس جيلز کاتي بابت صلاحڪار اعجاز جکراڻي جي گهر تي نيب جي ڇاپي بابت اڳواٽ خبر پئجي وئي هئي، اهڙو اطلاع ملڻ کان فوري پوءِ مرادعلي شاهه بلاول ڀٽو زرداري سان ملاقات لاءِ جو چئي روانو ٿي ويو“، وزيراعليٰ هائوس جي ذريعن www.sindhsamaachar.com کي وڌيڪ ٻڌايو ته، ” وڏو وزير سي ايم هائوس مان رواني ٿيڻ کان لڳ ڀڳ ڏيڍ ڪلاڪ کانپوءِ بلاول هائوس پهتو، اهو چئي نه ٿو سگهجي ته وڏو وزير مراد علي شاهه ايتري دير سان بلاول هائوس ڇو پهتو ۽ ان دوران هو ٻيو ڪنهن سان ملاقات ڪرڻ ويو يا نه اهو پڪ سان چئي نه ٿو سگهجي. ان ڏينهن بلاو ڀٽو زرداري سان وڏي وزير جي ملاقات واري ڪا تصوير به سامهون نه آئي هئي. “. سنڌسماءَچار کي مليل ڄاڻ مطابق وڏي وزير ان ڏينهن مراد علي شاهه ان ڏينهن ٻن اهم شخصيتن سان ملاقات ڪئي،اها ماقات لڳ ڀڳ چاليهه منٽن تائي جاري رهي، جنهن ۾ اعجاز جکراڻي جي گرفتاري نه ڪرڻ جي خاطري ڪرائي وئي. ذريعن اها به دعويٰ ڪئي آهي ته جيڪڏهن اعجاز جکراڻي جي گرفتاري عمل ۾ آئي به ته اها آڪٽوبر مهيني دوران نه نه ٿيندي، اعجاز جکراڻي لالءِ نومبر جو ٻيو هفتو اهم آهي.
